Дастлабки маълумотларга кўра, жорий йилнинг 15 декабрь куни соат 20:40 ларда, Тошкент шаҳар, Яккасарой тумани, Ш. Руставели кўчасида жойлашган "Қанотчи" кафеси қаршисида ҳайдовчи, 1989 йилда туғилган М.А. бошқарувидаги Mercedes G 63 AMG русумли ҳамда ҳайдовчи, 1981 йилда туғилган Р.А. бошқарувидаги Nexia русумли автомобиллар тўқнашган.
ИИВ ЙҲХББ Ахборот хизмати тўқнашув натижасида Nexia русумли автомобиль ҳайдовчиси, 39 ёшли Р. А. тан жароҳати билан шифохонага олиб кетилгани хақида маълум қилди.
Мазкур ЙТҲ юзасидан Тошкент шаҳар ИИББ ЙҲХБ масъул ходимлари томонидан тегишли ҳужжатлар расмийлаштирилиб, дастлабки суриштирув ишлари олиб борилмоқда.
