Маълум қилинишича, гумонланувчи йигит танишининг уйига меҳмонга келади ва кутилмаганда улар ўртасида жанжал келиб чиқади. Шундан сўнг, гумонланувчи ошхонадаги ўткир тиғли жисм билан 2 нафар йигитга тан жароҳати етказган.
Мазкур ҳолат жорий йилнинг 7 апрель куни Сергели тумани Қурувчилар даҳасида жойлашган кўп қаватли уйда содир бўлган. Бу ҳақда “Миллар” дастури хабар қилди.
Пичоқланган 2 нафар йигитлар жарроҳлик амалиётидан ўтказилган ҳамда уларнинг ҳаёти сақлаб қолинган.
“Шифохонга бордим, аҳволи озроқ оғир эди. Шифокорлар бир нафари йигитни 5 марта, яна бирини 7 марта пичоқланганини маълум қилди. Гумонланувчи жиноятни содир қилиб, уйни ёқиб юборганини айтишмоқда”,- дейди МФЙ ижтимоий ходими.
Бош прокуратура Матбуот котиби Ҳаёт Шамсутдиновнинг маълум қилишича, ҳолат бўйича ЖКнинг 97-моддаси 2-қисми “а” банди билан жиноят иши қўзғатилган. Гумонланувчи қўлга олинган. Ҳозирда Сергели тумани прокуратураси томонидан терговга қадар текширув ҳаракатлари олиб борилмоқда.
