Апрель ойининг биринчи кунларида Ўзбекистон ҳудуди бўйича қуруқ
ва илиқ об-ҳаво бўлиши кутилмоқда. Ҳаво ҳарорати кўтарилиши давом этади.
Бугун ва эртага кундузи ҳарорат +22…+27 даражани ташкил этади, иш ҳафтасининг охирига келиб ҳаво +28…+30 даражагача, жанубда ва чўл ҳудудларда +33 даражагача исийди. Бу апрель ойи боши учун бўлган меъёрий қийматлардан +5…+7 даражага юқоридир.
Республиканинг шимоли-ғарбий ҳудудлари – Қорақалпоғистон Республикаси, Хоразм вилоятда 1-3 апрель кунлари кундузги ҳарорат +25…+30 даража бўлган қуруқ ва жуда илиқ об-ҳаво бўлиши кутилмоқда, 4 апрелда эса ҳарорат +5…+7 даражага пасаяди, баъзи жойларда ёмғир ёғиши мумкин.
Шамол шарқдан 7-12 м/с тезикда эсади, 3-4 апрель кунлари республика бўйича 15-20 м/с гача кучайиши мумкин.
Бугун Тошкентда ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Шамол шарқдан 3-8 м/с тезликда эсади. Ҳарорат кечалари +10…+15 даража, кундуз кунлари 1-2 апрелда +24…+26 даража, 3-4 апрелда +26…+29 даража бўлади.
