ФВВ Матбуот хабарининг маълум қилишича, қутқарувчилари томонидан каналга тушиб кетган автомашина чиқариб олинди. Ҳодиса оқибатида вафот этган ва тан жароҳати олганлар йўқ.
Кеча, 17 март куни соат 19:40 атрофида Миробод тумани А.Фитрат кўчасидан оқиб ўтувчи "Қорасув" каналига Lacetti автомашинаси тушиб кетди.
Воқеа жойига ФВВ қутқарувчилари зудлик билан етиб бориб, махсус техника ва асбоб-анжомлар ёрдамида автомобиль каналдан чиқариб олинди.
Маълум бўлишича ҳайдовчининг эҳтиётсизлиги натижасида автомобиль каналга тушиб кетган. Автомобилда ҳайдовчи билан бирга 3 нафар йўловчи бўлган. Ҳайдовчи ва йўловчилар ўз ҳаракатлари билан сувдан қуруқликка чиқиб олган.
