Жорий йилнинг 7 март куни Сурхондарё вилояти Бойсун тумани Дарбанд МФЙ ҳудудида 2-синф ўқувчиси бўлган 8 ёшли қиз мактабдан чиқиб автомобиль йўлини кесиб ўтаётган вақтда 1992 йилда туғилган ҳайдовчи ўз бошқарувидаги ГАЗ-53 юк автомашинаси билан ҳаракатланиб келиб уни уриб юборган. Бу ҳақда Сурхондарё вилояти ИИБ ЖХХ ЙҲХБ Матбуот хизмати хабар берди.
Ушбу ЙТҲ натижасида вояга етмаган 8 ёшли қиз олган оғир тан жароҳатлари билан туман шифохонасида ҳаётдан кўз юмган.
