Наврўз ва Рамазон ҳайити байрами муносабати билан йўловчиларга қулайлик яратиш мақсадида Тошкент - Бухоро - Тошкент йўналишида юқори тезликда ҳаракатланувчи "Афросиёб" поездининг қўшимча қатновлари (778/777-сонли рейслар) йўлга қўйилди. Бу ҳақда "Ўзтемирйўлэкспресс" АЖ матбуот хизмати хабар берди.
Қўшимча поездлар 20-25-31 март ва 1 апрель кунлари қуйидаги жадвал асосида ҳаракатланади:
— 778-сонли Тошкент - Бухоро рейси:
Тошкентдан жўнаб кетиш соат 06:03, Бухорога келиш соат 10:14;
— 777-сонли Бухоро - Тошкент рейси:
Бухородан жўнаб кетиш 17:55 да, Тошкентга етиб келиш 22:08 да.
