Кувайтда ўтаётган қиличбозлик бўйича ёшлар ўртасидаги Осиё чемпионатида ўзбекистонлик саблячи йигитлар жамоавий дастурда олтин медалларни қўлга киритишди. Бу ҳақда Ўзбекистон МОҚ Матбуот хизмати хабар берди.
Исламбек Абдазов, Сардор Абдукаримбеков, Муса Аймуратов ва Зуҳриддин Қодировдан иборат Ўзбекистон терма жамоаси Малайзия, Сингапур, Гонконг ва финалда Қозоғистонни мағлубиятга учратиб, олтин медалга сазовор бўлишди.
