Бугун, 27 февраль куни, Тошкент шаҳри Мирзо Улуғбек тумани, Зиёлилар кўчасида 50-сонли шаҳар автобуси дарахтга бориб урилди.
Дастлабки маълумотларга кўра, ҳодисага автобуснинг юриш қисмидаги техник носозлик сабаб бўлган. Воқеа жойига зудлик билан қутқарув хизматлари ва тез тиббий ёрдам бригадалари етиб борган.
Ҳодиса оқибатида жароҳат олганларга 1-ёрдам кўрсатиш мақсадида шифохонага олиб борилган.
Ҳозирда тегишли органлар томонидан ҳодисанинг тафсилотларини ўрганиш бўйича текширув ишлари олиб борилмоқда.
