Тошкентда эркак қурилиш ишлари олиб борилаётган кўп қаватли бинонинг зинасидан йиқилиб вафот этгани айтилган хабар ижтимоий тармоқларга сиздирилди. Ушбу ҳолат юзасидан Бош прокуратура матбуот хизмати раҳбари Ҳаёт Шамсутдинов UzNews.uz'га маълумот берди.
Аниқланишича, жорий йилнинг 17 февраль куни 1974 йилда туғилган эркак Тошкент шаҳар Яккасарой тумани Аския кўчасида жойлашган кўп қаватли уй қурилиш ишлари олиб борилаётган бинога кираётган вақтида зинапоядан тойиб кетиб бахтсиз ҳодиса туфайли бинонинг ертўла қисмига баландликдан тушиб кетган. Бунинг натижасида эркак шу жойнинг ўзида вафот этган.
Ҳолат юзасидан текшириш ҳаракатлари олиб борилмокда.
