Автобус тахминан 800 метр баландликдан қулаши оқибатида 31 киши ҳалок бўлди, яна 10 га яқин киши яраланди, дея хабар бермоқда Reuters агентлиги.
"Маҳаллий шифохона полицияси ходимининг сўзларига кўра, автобус ҳайдовчиси бошқарувни йўқотган бўлиши мумкин, натижада транспорт воситаси тахминан 800 метр (2625 фут) баландликдан Йокалья жануби-ғарбий муниципалитетидаги жарликка қулаган," - дейилади агентлик хабарида.
Автоҳалокатда омон қолганларнинг 10 нафари катталар ва 4 нафари болалар бўлиб, улар шифохонага етказилган ва уларга зарур ёрдам кўрсатилмоқда.
Маҳаллий полиция фожиага автобуснинг ҳаддан ташқари юқори тезлиги сабаб бўлган бўлиши мумкинлигини айтди. Транспорт юрган тоғ йўли нотекис йўл бўлган.
