Жорий йилнинг 23 январь куни М-41 халқаро автомобиль йўлининг 1610-километри Термиз тумани “Қорахон” маҳалласи ҳудудида ЙТҲ содир бўлган. Бу ҳақда Сурхондарё вилояти ИИБ ЖХХ ЙҲХБ хабар қилди.
Маълум қилинишича, Damas автомашинаси Термиз—Шўрчи йўналишида ҳаракатланиб, ўзи билан бир йўналишда йўлнинг ўнг томонидан чап томонига ўтаётган, туманнинг 17-мактабидаги 1-синф ўқувчисини уриб юборган. Пиёда олган тан жароҳатлари сабаб шу куннинг ўзида шифохонада вафот этган.
Ушбу ҳодиса масъуллар томонидан болакай ўқиган 17-мактабда бу каби ҳолатлар келгусида яна такрорланмаслиги учун кенг жамоатчилик иштирокида муҳокама қилинди.
