Кеча, 9 декабрь куни Тошкент шаҳар Учтепа туманида ҳокимияти олдидаги биноларнинг бирида ёнғин содир бўлаётганлиги акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ФВБ Матбуот хизмати маълумот берди.
Унга кўра, кеча, 9 декабрь куни соат 20:03 да Тошкент шаҳар Учтепа тумани Фозилтепа кўчасида жойлашган сомсахонада ёнғин содир бўлган.
Шунга кўра, ёнғин-қутқарув техникалари айтилган манзилга соат 20:07 да етиб борган ва ёнғин соат 20:20 да ўчирилган.
Ёнғин оқибатида ҳалок бўлган ва жабрланганлар йўқ.
Ҳозирда ёнғин сабаби ва келтирилган моддий зарар аниқланмоқда.
