Аввалдан бир-бири билан таниш бўлган судланувчи ва марҳум спиртли ичимлик ичиши оқибатида улар орасида келишмовчилик юзага келган.
Келиб чиққан жанжал натижасида судланувчи ўткир тиғли жисм билан танишининг бўйин соҳасига тан жароҳат етказиб ва воқеа жойидан қочиб кетган. Жабрланувчи олган тан жароҳатлари оқибатида воқеа жойида вафот этган.
Жиноят ишлари бўйича Бектемир туман судида мазкур ҳолат бўйича жиноят иши кўриб чиқилди. Суд ҳукмига кўра, судланувчи ЖКнинг 97-моддаси 2-қисми "в" бандида назарда тутилган жиноятни содир этганликда айбдор деб топилди. Унга шу модда билан 15 йил муддатга озодликдан маҳрум қилиш жазоси тайинланди.
