2020 йил 28 декабрдан 2021 йил 1 мартгача Туркияга кирувчи фуқароларга нисбатан янгиланган карантин қоидалари амал қилади.
Туркияга хориждан кириб келган авиайўловчилар мамлакат чегарасини кесиб ўтган вақтдан 72 соатдан кўп бўлмаган муддатда олинган COVID-19’га қарши ПЗР-тести манфий натижаси маълумотномасига эга бўлишлари шарт.
ПЗР-тести манфий натижаси маълумотномасига эга бўлмаган шахслар мамлакатда яшаш учун кўрсатган манзилларида (уй, меҳмонхона) 7 кунлик карантинга олинади.
Туркияда яшаш манзили аниқ бўлмаган шахслар эса Туркия Соғлиқни сақлаш вазирлиги ажратган манзилларда карантинга жойлаштирилади.
Карантин муддати тугаганидан сўнг ПЗР-тести ижобий натижасига эга шахслар Туркия Соғлиқни сақлаш вазирлигининг СOVID-19 бўйича амалдаги қоидалари бўйича даволанади.
Туркия аввалроқ карантин қоидаларини кучайтирганди.
