Аввалроқ, ижтимоий тармоқларда бир қизнинг йўлда томоша кўрсатгани акс этган видео тарқалиб, кенг муҳокамаларга сабаб бўлган эди. Маълум қилинишича, 1996 йилда туғилган ака ўз синглиси билан Mercedes-Benz машинасида видео олган. Ҳолат "Tashkent city" ҳудудида юз берган.
"Видео нотўғри форматда бўлганлиги учун узр сўрайман, лекин бундай жиддий бўлади, деб ўйламаганман. Хатоимизни тушуниб етдим",- дейди ҳайдовчи ака.
Тошкент шаҳар ИИББ Матбуот хизматининг UzNews.uz'га маълум қилишича, ҳолат ўрганилиб, ҳайдовчининг шахсига аниқлик киритилган. Ҳайдовчига нисбатан МЖтКнинг 128-моддасига асосан, маъмурий баённома расмийлаштирилган.
