Президент Шавкат Мирзиёев Парижда бўлиб ўтаётган ёзги Олимпия ўйинларида спортнинг дзюдо спорт тури бўйича беллашувларда -52 килограммгача вазн тоифасида барча рақибаларини енгиб, олимпия терма жамоасига биринчи олтин медални келтирган Диёра Келдиёрова билан телефон орқали мулоқот қилди. Бу ҳақда Ўзбекистон МОҚ Матбуот хизмати хабар берди.
Давлат раҳбари Ўзбекистон тарихида ёзги Олимпия ўйинларида аёллар ўртасида биринчи марта чемпион бўлган Диёра Келдиёровани тарихий ғалаба билан қизғин табриклаб, ота-онаси ва мураббийларига миннатдорлик билдирди.
