Жиззахда Cobalt автомашинаси ёниб кетгани акс этган видео ижтимоий тармоқларга сиздирилди. Ушбу ҳолат юзасидан Жиззах вилояти ИИБ ЙҲХБ маълумот берди.
Бугун, 15 июнь куни соат 12:50 атрофида Ш.Рашидов тумани ҳудудида Навоий вилояти Хатирчи туманида яшовчи 1977 йилда туғилган ҳайдовчи бошқарувидаги Cobalt автомашинасида ёнғин содир бўлган. Электр симларининг қисқа туташуви сабабли автомашинанинг мотор ва салон қисми ёнган.
Ёнғин ФВБ томонидан бартараф этилган бўлиб, унинг сабаби ва келтирилган моддий зарар миқдори аниқланмоқда.
Ёнғин натижасида тан жароҳати олганлар йўқ. Ҳолат юзасидан терговга қадар текширувни туман ФВБ олиб бормоқда.
