Бош прокуратура ҳузуридаги Департаментнинг Тошкент вилоят бошқармаси, ДХХ, ИИБ ва «Ўзэнергоинспекция» ходимлари ҳамкорлигида тезкор қидирув тадбири ўтказилган.
Тадбирда Қибрай тумани Тараққий МФЙдаги хонадонда яшовчи И.Б. ва бошқалар тижорат мақсадида компьютер тизими орқали телекоммуникация тармоқларидан фойдаланган ҳолда «Авалон» русумли майнинг крипто-активлари қурилмасини электр тармоғига тўғридан-тўғри улаганлиги маълум бўлган. Натижада 733,2 млн сўмлик электр энергиясидан ноқонуний фойдаланганликлари фош бўлган.
Мазкур ҳолат юзасидан ЖКнинг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
