Илғор технологияларга бўлган талаб ошиб бораётган вақтда Huawei компанияси Тошкент марказида ўзининг биринчи расмий бренд дўконини очди. 6 май куни ўтказилган тадбир Ўзбекистон электроника бозори ривожланишида яна бир аҳамиятли қадам бўлди.
Huawei Experience Store’нинг тантанали очилиш маросими компания вакиллари томонидан қизил тасма кесиш билан бошланди ва байрамона муҳитда ўтди. Таклиф қилинган меҳмонлар орасида таниқли актриса ва қўшиқчи Ситора Фармонова бор эди ва у табрик нутқи билан чиқди.
Янги дўкон концепцияси мижозларнинг талабларини қондиришга қаратилган ва Huawei компаниясининг интеллектуал қурилмалари ва мобил хизматларидан фойдаланишда тўлақонли тажриба яратишга йўналтирилган. Ҳар бир ташриф буюрувчи нафақат қурилма харид қилиши, балки барча янги маҳсулотлар ҳақида билиб олиши ва консультация олиши мумкин.
Тадбирда nova линейкасидаги учта янги моделларнинг тақдимоти асосий эътиборни тортди. Меҳмонлар янги қурилмаларни биринчилардан бўлиб кўриш ва баҳолаш, шунингдек, эксклюзив «1+1» акцияси доирасида совғалар олиш имкониятига эга бўлишди.
Намойиш қилинган моделларнинг бири услуб ва унумдорликнинг намоёндаси – Huawei nova 12s бўлди. Кўк, оқ ва қора рангларда тақдим этилган смартфон ноёб безак ва нақшлар яратадиган орқа панелдаги ноодатий текстура билан эътиборни тортади.
Янги модель ажойиб камера билан компаниянинг кучли томонини яна бир бор тасдиқлади. Қурилма 60 МП кенгайтмага эга фронтал камера билан жиҳозланган, бу эса юқори детализация ва ёрқин ранглар билан ҳайратланарли селфи олишга имкон беради. 50 МП бўлган ультраобъективга эга асосий камера эса ҳар қандай шароитларда тасвирлар сифатли бўлишини таъминлайди.
Ингичка корпус ҳам аҳамиятли қисмлардан бири бўлди – бор-йўғи 6,88 мм қалинлик ва 168 грамм оғирлик. Телефон 120 Гц частотага эга 6,7 дюймли OLED-экранни олган.
HUAWEI nova 12se модели эса ушбу сериянинг ҳамёнбоп варианти ҳисобланади. Бунга қарамасдан, ушбу смартфон ҳам юқори унумдорлик, ромсиз OLED-экран ва атиги 7,39 мм бўлган ингичка корпус билан мақтана олади.
Яшил, оқ ва қора рангларда тақдим этилган телефон анча нафис дизайнда яратилган. Орқа панелдаги жилосиз қоплама бармоқ изларидан махсус ҳимоя билан ишланган.
Huawei nova 12se камераси ҳам сифат ва функционаллик бўйича қолишмайди: 108 МП кенгайтмага эга асосий камера ва 32 МП бўлган фронтал камера ажойиб тасвирлар олишга имкон беради.
Яна бир янги модель – бу «космик» Huawei nova 12i бўлди. Яшил ва қора рангли телефонларнинг юлдузли айлана шаклидаги камераси моделга футуристик кўриниш, жилосиз қоплама эса нафислик тақдим этади.
Телефон Full HD+ кенгайтмага эга 6,7 дюймли экран ва бақувват 5000 мАч батареяси билан жиҳозланган. Huawei nova 12i смартфонининг камераси 108 МП бўлган юқори кенгайтмали объектив ва 8 МП селфи-камерага эга. Шунингдек, 9 in 1 пикселларни бирлаштириш технологияси жорий қилинган, бу битта пиксель билан кўпроқ ёруғликни тортиш имконини беради.
Барча қурилмалар Huawei компанияси томонидан ишлаб чиқилган илғор технология – янгиланган EMUI 14 интерфейсига эга. Интерфейснинг муҳим хусусиятларидан бири маълумотларни кучайтирилган тартибда ҳимоя қилиш ҳисобланади. Тизим фойдаланувчига ўз маълумотларини ҳимоя қилиш ва хавфларнинг олдини олишга имкон берадиган Махфийлик маркази ҳамда вирус ва зарарли дастурларнинг борлигини автоматик тарзда скан қиладиган Хавфсизлик марказини ўз ичига олади.
Янги моделларни етказиб бериш тўплами жуда «бой»: телефон билан бир қаторда, тўпламда адаптер, Type-C кабели, телефонни ярим соат ичида қувватлаш имконини берадиган 66 Вт билан SuperCharge Turbo 2.0 технологиясига эга қувватлаш ускунаси ва ҳимоя ғилофи мавжуд.
Шунингдек, меҳмонларга кўплаб муҳокамаларга сабаб бўлган Huawei FreeСlip қулоқчинлари ҳам намойиш қилинди. Янги аксессуар ноодатий дизайни ва қулайлиги билан ажралиб туради.
Қулоқчинлар ўзаро алмашувчан бўлиб, уларнинг қайси бири ўнг қулоқ ва қайси бири чап қулоқ учун эканлигини ажратишга ҳожат йўқ. FreeСlip овознинг юқори сифати ва шахсийлик ҳимоясини таъминлайди, тўлиқ қувват эса узлуксиз 8 соат мусиқа тинглаш имконини беради.
Энди сиз ҳам Huawei қулоқчинлари ва янги моделларининг эгасига айланишингиз мумкин. Барча маҳсулотлар компаниянинг брендшопи ва ҳамкор-дўконларда тақдим этилган.
Янги маҳсулотлар ва нархлар ҳақидаги батафсил маълумотни компаниянинг huawei.com сайтида олишингиз мумкин.
Манзил: Тошкент шаҳри, Миробод тумани, Афросиёб 28/14
Instagram: @huaweimobileuz
Telegram: t.me/HuaweiMobileUz
Реклама ҳуқуқи асосида
