Ўзбекистоннинг янги элчиси Фариддин Насриев Эрон президенти Иброҳим Раисийга ишонч ёрлиқларини топширди, деб хабар бермоқда "Дунё" АА.
Суҳбат чоғида Ўзбекистон-Эрон етакчиларининг сиёсий иродаси, самарали саъй-ҳаракатлари ҳамда олий даражадаги музокаралар натижасида икки томонлама муносабатлар янада ривожлантиришга кучли суръат бағишлагани таъкидланди.
Эрон президенти Ўзбекистон элчисига масъулиятли ва шарафли фаолиятида муваффақиятлар тилади ҳамда мамлакатларимиз ва халқларимиз ўртасидаги муносабатларни янада юксалтиришга муносиб ҳисса қўшишига ишонч билдирди.
Эслатиб ўтамиз, Ўзбекистоннинг Қозон шаҳридаги Бош консуллиги раҳбари Ўзбекистоннинг Эрондаги фавқулодда ва мухтор элчиси этиб тайинлангани ҳақида хабар берган эдик.
