“Янги Ангрен ИЭС”даги авария оқибатида 2 нафар аёл ва бир нафар эркак ходимлар вафот этган ва яна уч нафар ходим 2-3 даражали куйиш тан жароҳати олиб, шифохонага ётқизилганди.
Тошкент вилояти ИИББ Ахборот хизматининг хабар беришича, ҳолат юзасидан шу куннинг ўзида Ангрен шаҳар прокуратураси томонидан ЎзРЖКнинг 257-моддаси 2-қисми “а,б” бандлари билан жиноят иши қўзғатилган.
Прокуратура иш юритувида бўлган мазкур жиноят иши, кейинги тергов ҳаракатларини олиб бориш учун Тошкент вилояти ИИББ ҳузуридаги Тергов бошқармасига топширилган ва дастлабки тергов ҳаракатлари олиб борилмоқда.
