Тошкент шаҳар Юнусобод туманида машина 2 нафар болани босиб кетгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ маълумот берди.
Аниқланишича, жорий йилнинг 20 декабрь куни соат 16:30 атрофида Юнусобод тумани 8-мавзе 16-уй қаршисида ҳайдовчи 1986 йилда туғилган Н.А. (аёл киши) Tracker автомашинасини бошқариб кетаётиб 2 нафар пиёдаларни уриб юборган.
ЙТҲ натижасида пиёдалар 2015 йилда туғилган З.А. ва 2013 йилда туғилган М.А.лар тан жароҳати олган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
