Ўзбекистоннинг янги бош консули Жамил Шарапов Нью-Йоркда ўз вазифасини бажаришга киришди, деб хабар бермоқда "Дунё" ахборот агентлиги.
Жамил Шарапов бунгача Ташқи ишлар вазирлигининг Консуллик-ҳуқуқий департаменти директори ўринбосари лавозимида ишлаган.
У Нью-Йоркка тайинланишидан олдин Ташқи ишлар вазирлиги, Ўзбекистон президенти ҳузуридаги Стратегик ва минтақалараро тадқиқотлар институтида турли лавозимларда ишлаган.
Жамил Шарапов 2018–2023 йилларда Нью-Йоркдаги Бош консулликни бошқарган Камол Икромов ўрнини эгаллади.
Бош консулликнинг консуллик округига АҚШнинг штатлари ва маъмурий ҳудудлари киради: Айдахо, Айова, Аляска, Аризона, Ваёминг, Вашингтон, Вермонт, Виржиния ороллари, Висконсин, Гавайи, Иллинойс, Индиана, Калифорния, Канзас, Коннектикут, Массачусетс, Миннесота, Миссури, Мичиган, Монтана, Мейн, Небраска, Невада, Нью-Гэмпшир, Нью-Жерси, Нью-Йорк, Нью-Мексико, Огайо, Орегон, Пенсилвания, Пуэрто-Рико, Род-Айленд, Шимолий Дакота, Жанубий Дакота, Юта ва Мексика, Лотин Америкаси мамлакатлари (Куба ва Бразилиядан ташқари – Ўзбекистоннинг Вашингтондаги элчихонаси консуллик округига киритилган).
