Бугун, 21 ноябрь куни футбол бўйича 2026 йили Шимолий Американинг Канада, Мексика ва АҚШда бўлиб ўтадиган жаҳон чемпионати саралаш босқичи Осиё қитъасининг навбатдаги тур учрашувлари бўлиб ўтади.
Жаҳон чемпионати иккинчи саралаш босқичи "Е" гуруҳидан ўрин олган Ўзбекистон миллий терма жамоаси бугун ўзининг азалий рақиби Эрон терма жамоасига қарши баҳс олиб боради.
Ушбу учрашув Тошкентдаги "Бунёдкор" стадионида соат 18:00 да старт олади.
Эслатиб ўтамиз, Сречко Катанец шогирдлари бундан аввал гуруҳдаги дастлабки турда сафарда Туркманистон терма жамоасига қарши баҳс олиб бориб 3:1 ҳисобида ғалаба қозонган эди.
Маълумот ўрнида, Ўзбекистон Эрон миллий терма жамоасига қарши шу кунга қадар 12 маротаба тўқнаш келган. Шундан 10 та ўйинда форслар ғалаба қозонган бўлса, 1 та учрашувда Ўзбекистон МТЖ рақибларини мағлуб этишга муваффақ бўлган. Қолган битта баҳсда эса томонлар муроса йўлини танлашган.
