Париж шаҳрида ўтаётган таэквондо WТ бўйича Гран-при мусобақасининг иккинчи кунида -68 кг вазн тоифасида баҳс олиб борган Улуғбек Рашитов олтин медални қўлга киритди. Бу ҳақда Миллий олимпия қўмитаси Матбуот хизмати хабар берди.
Улуғбек Рашитов муросасиз кечган финал жангида бразилиялик Эдивак Понтес устидан ғалаба қозониб, шоҳсупанинг энг юқори поғонасига кўтарилди. Рашитов бу билан кетма-кет икки бор Гран-при турнирида ғалаба қозонган илк ўзбек таэквондочисига айланди.
