Тошкент метросининг "Юнусобод" ва "Туркистон" бекатлари режали профилактик ишларни амалга ошириш мақсадида 26 августдан бошлаб 4 ой муддатга ёпилади. Бу ҳақда метрополитен Матбуот хизмати UzNews.uz'га хабар берди.
Қайд этилишича, Юнусобод йўналишидаги поездлар ҳаракати "Шаҳристон" ва "Минг Ўрик" бекатлари оралиғида одатий тарзда ҳаракатланиши давом этади бу йўналишда поездлар ҳаракати оралиқ вақти (интервал) 5 дақиқагача қисқартирилади.
Йўловчиларга ноқулайлик туғдирмаслик мақсадида, "Туркистон-Юнусобод–Шаҳристон" метро бекатлари оралиғида бепул хизмат кўрсатувчи катта сиғимли автобуслар (метробус) ҳаракати йўлга қўйилади.
Ушбу автобусларнинг кунлик иш вақти тонги 06:00 дан тунги 00:00 га қадар амалга оширилади.
