Аргентина яшил майдонларида бўлиб ўтаётган 20 ёшгача бўлган футболчилар ўртасидаги жаҳон чемпионатида Ўзбекистон ёшлар терма жамоаси бугун тунда нимчорак финал босқичини ўтказади. Ушбу босқичда Равшан Ҳайдаров шогирдларига Исроил ёшлар терма жамоаси рақиблик қилади.
Маълумот ўрнида, Ўзбекистон ёшлар терма жамоаси ушбу баҳсда ғалаба қозонса чорак финалда Бразилия - Тунис жуфтлиги ғолибига қарши баҳс олиб боради.
Эслатиб ўтамиз, ушбу учрашув Тошкент вақти билан бугун тунги 02:00 да бошланади. Ушбу ўйин “Malvinas Argentinas” стадионида бўлиб ўтади.
