“Ўздавкарантин” инспекцияси 2021 йил 12 февралдан бошлаб Туркиянинг Бурса ҳудудидан Ўзбекистонга помидор ва қалампир уруғликлари экспорти учун вақтинчалик тақиқ жорий этди. Бу ҳақда “Ўздавкарантин” инспекцияси Ахборот хизмати хабар берди.
Бунга сабаб, мазкур ҳудудда жойлашган Bursa Tohumculuk Ziraat Ve Tic.A.S. корхонасидан келтирилган 85 кг помидор уруғлигида “Помидор жигарранг бужмайиш вируси” (Tomato brown rugouse fruit virus) аниқланди.
Ҳолат бўйича 11 феврал куни маҳсулотларни олиб киришда белгиланган фитосанитария талаблари бузилганлиги тўғрисидаги хабарнома Туркиянинг ўсимликлар карантини ва ҳимояси бўйича миллий ташкилотига юборилган.
Бугунги кунга қадар Туркия томонидан “Ўздавкарантин” инспекциясига жавоб хати келиб тушмаган.
Аввалроқ, “Россельхознадзор” Ўзбекистон корхоналарига айни шу касаллик туфайли помидор импортига тақиқ қўйганди.
