Ўзбекистонда истеъмолчиларга тўланган кешбэк 1 трлн сўмдан ошди. Бу ҳақда Солиқ қўмитаси Матбуот хизмати хабар бермоқда.
Қайд этилишича, март ойида 2,2 млн нафарга яқин истеъмолчилар томонидан 118 млрд сўмдан ортиқ кешбэк йиғилди. Айни пайтда 1,6 млн нафарга яқин истеъмолчига 76,3 млрд сўм тўлаб берилди.
Шунингдек, камчиликлар бартараф этилиши натижасида ўтган ойлар учун яна 1,2 млрд сўм кешбэк тасдиқланди. Солиқ мобил иловаси орқали берилган жами кешбэклар 1 трлн 79 млрд сўмдан ошди.
Қайд этилишича, тадбиркорлик субъектлари томонидан солиқ ҳисоботлари топширилиши, ҳисоботлардаги камчиликлар тузатилиши, солиқ қарздорлиги камайтирилиши инобатга олиниб, қолган кешбэк суммалари автоматик тарзда тўлаб борилади.
