Аввалроқ, ижтимоий тармоқда аёл ўзининг фарзанди билан бирга из газидан заҳарланиб вафот этгани ҳақида хабарлар тарқалди. Бош прокуратура ҳолат юзасидан маълум берди.
Маълум қилинишича, 7 апрель куни соат 21:15 да Миробод туманида жойлашган уйнинг бирида 25 ёшли аёл ва унинг 8 ойлик ўғли вафот этганлиги аниқланган.
Марҳумларнинг ўлим сабабини аниқлаш мақсадида суд-тиббий экспертизаси тайинланган.
Ҳозирда терговга қадар текширув ҳаракатлари олиб борилмоқда.
