Ўзбекистон Инсон ҳуқуқлари бўйича кенгаш аъзоси сифатида ушбу учрашувда биринчи марта иштирок этди.
– Қийноқларнинг олдини олиш бўйича миллий превентив механизмни жорий этиш доирасида биз одамнинг қадр-қимматини ерга урадиган, инсонийликка зид бўлган қийноқларнинг ҳар қандай кўринишига бундан буён ҳам мутлақо йўл қўймаймиз. Қийноқларга қарши конвенциянинг Факультатив протоколини ратификация қиламиз, - деди Шавкат Мирзиёев.
Маълумот учун, президентнинг тегишли фармонига кўра, БМТнинг Қийноқларга қарши конвенциясининг Факультатив протоколига қўшилиш масаласини кўриб чиқиш муддати 2020 йил 20 декабрга қадар этиб белгиланган ва унда қийноқларнинг олдини олишнинг ҳуқуқий асослари такомиллаштирилиши ҳамда бу борада қатъий назорат ўрнатилиши назарда тутилган эди.
