Тошкент метрополитенининг ерусти халқа йўналиши навбатдаги босқичини қуриш ишлари олин борилаётганлиги сабабли, Янги Қўйлиқ ва Тошкент халқа автомобиль йўли кўчалари чорраҳаси автомобиллар ҳаракати учун ёпилди. Бу ҳақда Тошкент шаҳар транспорт бошқармаси Ахборот хизмати хабар берди.
Шу муносабат билан ушбу чорраҳа орқали ҳаракатланувчи 37, 45, 55-сонли автобус йўналишлари ҳаракатига вақтинчалик қуйидагича ўзгартиришлар киритилади:
• 37 ва 55-сонли автобус йўналишлари ҳаракати икки томонлама Тошкент халқа айланма йўлидан Қўйлиқ маҳалласи ҳудуди (Тиббиёт коллежи кўчаси) ва Янги Қўйлиқ кўчалари орқали ўз йўналишини давом эттирган ҳолда ўзгартирилади;
• 45-сонли автобус йўналишининг Қўйлиқ бозори томон ҳаракати Тошкент халқа айланма йўли орқали Қўйлиқ деҳқон бозорига қадар, қайтиш йўналишидаги ҳаракати Қўйлиқ бозоридан Фарғона йўли, Янги Қўйлиқ кўчалари ҳамда Қўйлиқ маҳалласи ҳудуди (Тиббиёт коллежи кўчаси) ва Тошкент халқа айланма йўли кўчалари орқали ўз йўналишини давом эттирган ҳолда ўзгартирилади.
