Дам олиш кунлари Ўзбекистон ҳудудлари бўйича об-ҳавони ҳали ҳам совуқ антициклон белгилайди.
Ушбу кунларда республика бўйича ёғингарчилик кутилмайди, фақат 20-21 январь кунлари энг чекка жанубда бироз қор ёғиши мумкин. Кундузи ҳаво ҳарорати -3 даража совуқ +2 даража илиқ бўлади. Дам олиш кунлари ҳаво ҳарорати кечалари -8...-13 даража совуқ, баъзи жойларда -15...-17 даража совуқ бўлади. Кундуз кунлари -3 даража совуқ +2 даража илиқ, баъзи жойларда -5 даража совуқ бўлади.
Республиканинг баъзи жойларига туман тушиши кузатилади. Айрим йўлларда яхмалак юзага келиши сақланиб туради.
