Жорий йилнинг 9 январь куни Ўзбекистон ҳудудига Волгабўйи ҳудудларидан Россия Европа қисмининг шимолий ҳудудларида шаклланган совуқ ҳаво массаси кириб келиши бошланади, дея хабар бермоқда Ўзгидромет Бош директори.
Унга кўра, 9-11 январь кунлари республика ҳудудининг катта қисмида ёғингарчилик (ёмғир, қор) бўлади. Тоғ олди ва тоғли ҳудудларда қор ёғади, баъзи жойларда кучли бўлади.
9-10 январь куни баъзи жойларда шамол тезлиги соатига 15-20 м/с гача кучайиши мумкин.
10-15 январь кунлари республика бўйича аномал совуқ об-ҳаво бўлиши кутилмоқда. Ҳаво ҳарорати кечалари -12...-17 даража совуқ, кундуз кунлари -5...-8 даража совуқ; шимолда кечалари -17...-22 даража совуқ, Устюртда ва чўл ҳудудларнинг баъзи жойларида -25...-27 совуқ, кундуз кунлари -7...-10 даража совуқ, жанубда ва Фарғона водийсида кечалари -5...-10 совуқ, кундуз кунлари -2...-5 даражагача пасаяди.
Йўлларнинг баъзи жойларида яхмалак юзага келади.
