Бугун, 2 март куни Uzauto Motors компанияси томонидан ташкил қилинган пресс-турда янги моделлар – Chevrolet Tracker ва Onix ҳам намойиш этилди.
“Ушбу моделларни ўзлаштириш учун инвестицияларнинг ҳисоб-китобдаги ҳажми 500 млн АҚШ долларига тенг, бунга двигателлар ишлаб чиқаришни “UzAuto Motors Powertrain” АЖ базасида маҳаллийлаштириш ҳам киради. Ушбу лойиҳаларни амалга ошириш доирасида янги авлод бензинли двигатели – CSS Prime (1.2L/1.2L Turbo, қуввати – 131 о.к.) ўзлаштирилмоқда”, дейилади компания хабарида.
Қайд этилишича, ушбу двигатель General Motors'нинг энг янги ишланмаси саналади – у тежамкорроқ, экологик тоза ва қудратлироқ двигателлардан бўлиб, бутун дунёдаги GM моделларини ишлаб чиқаришда кенг жорий этилган.
