Ўзбекистоннинг Жаҳон савдо ташкилотига аъзо бўлиш жараёни тезлашади. Бу ҳақда Самарқандда бўлиб ўтган “Ўзбекистон – Венгрия” бизнес-форумида Инвестициялар ва ташқи савдо вазири Жамшид Ходжаев маълум қилди.
Тадбирда вазир мамлакатда амалга оширилиши режалаштирилган устувор ислоҳотлар ҳақида гапирди. Aйниқса:
• қонун устуворлигини таъминлаш;
• суд-ҳуқуқ тизимини янада ислоҳ қилиш;
• коррупцияга қарши самарали курашиш;
• банк-молия тизимини давр талаблари асосида такомиллаштириш;
• давлат улушига эга йирик саноат ва инфратузилма корхоналарини хусусийлаштириш;
• Жаҳон Савдо Ташкилотига аъзо бўлиш ва унинг тўлиқ аъзоси бўлиш жараёнини тезлаштириш.
Бундан ташқари, энергетика, транспорт, соғлиқни сақлаш ва таълим соҳаларида қўшма лойиҳаларни амалга оширишда давлат-хусусий шериклик механизмларини жорий этиш кенгайтирилади.
