Аукцион орқали $55 минг долларга ер майдони олиб беришни ваъда қилган фирибгарга нисбатан жиноят иши қўзғатилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти маълум қилди.
Хабарда айтилишича, Бош прокуратура ҳузуридаги Департаментнинг Тошкент шаҳар бошқармаси томонидан ўтказилган терговга қадар текширувда, фуқаро Ж.А. фуқаро А.ни Қибрай тумани ҳудудидан аукцион орқали арзон нархларда 2 гектар ер майдонини олиб беришга ишонтириб, эвазига унинг $55 минг долларини фирибгарлик йўли билан қўлга киритганлиги аниқланган.
Мазкур ҳолат бўйича Ж.А.га нисбатан Жиноят кодексининг 168-моддаси (Фирибгарлик) билан жиноят иши қўзғатилиб, тергов ҳаракатлари ўтказилмоқда.
