Навоий вилояти прокуратураси Матбуот хизматининг хабарига кўра, 2022 йилнинг 28 сентябрь куни соат 17:00 ларда Навоий кон-металлургия комбинати АЖ тасарруфида бўлган Марказий кон бошқармасига қарашли Автомобиль транспорти бошқармасида ҳайдовчи бўлиб ишловчи 1991 йилда туғилган Й.Ш. МКБнинг “Ауминзо-Амантой” кони ҳудудида ўзига бириктирилган “Белаз” автосомасвалда тоғ жинсларини ташиш вақтида, автосамосвалнинг олд чап ғилдирак шинаси ёрилиб, ёнғин келиб чиққан.
Натижада, ёнғин автосамосвал кабинасига ҳам ўтиб, ҳайдовчи Й.Ш. куйиш тан-жароҳати олган ва шифохонага ётқизилиб, 30 сентябрь куни вафот этган.
Ҳозирда мазкур ҳолат юзасидан ИИВ ҳузуридаги 2-сон ИИБ тергов бўлинмаси томонидан терговга қадар текширув ҳаракатлари олиб борилаётган бўлиб, судга оид тиббий ва комиссион экспертизалар тайинланган.
