Тошкентдаги “Мовий гумбазлар” боғида қуриган дарахтлар кесилмоқда. Бу ҳақда Яккасарой тумани ҳокимлиги хабар бермоқда.
Қайд этилишича, боғда қуриган дарахтларни кесиш юзасидан блогерлар ва Ободонлаштириш бошқармаси ҳамда Экология бўлими вакиллари йиғилиш бўлиб ўтган.
Боғдаги болалар майдончаси атрофида қуриб қолган дарахтларни мутахассислар томонидан ўрганилиб, қуриб қолганлиги, болалар ва фуқаролар ҳаётига хавфли эканлиги тасдиқланиб, мутахассислар иштирокида кесилиши ва ўрнига тез ўсадиган дарахт навларини экиш ва уни парвариш қилиш бўйича таклиф билдирилди.
