Сурхондарё вилояти Жўрақўрғон туманида 18 август куни ўтказилган текширувда Д.А. ижарадаги уйида ҳужра асосида вояга етмаган қизларга диний таълим бериб келаётганлиги аниқланиб, ашёвий далиллар билан қўлга олинган. Бу ҳақда вилоят ИИБ Матбуот хизмати хабар бермоқда.
Шунингдек, Д.А. таълим беришда фойдаланиб келинган диний мазмундаги китоблар ходимлар томонидан холислар иштирокида тегишли тартибда ҳужжатлаштирилган.
Мазкур ҳолат юзасидан Д.А.га нисбатан МжТКнинг 241-моддаси (Диний таълимотдан сабоқ бериш тартибини бузиш) билан баённома расмийлаштирилиб Жиноят ишлари бўйича туман судига юборилган.
