Дастлабки маълумотларга кўра, 16 август куни соат 17:45 ларда Тошкент шаҳар Чилонзор тумани Бунёдкор шох кўчаси (кўприк усти)да бир йўналишда ҳаракатланиб келаётган бир қанча транспорт воситалари иштирокида ЙТҲ си содир бўлган.
Тошкент шаҳар ИИББ матбуот хизматининг UzNews.uz'га маълумот беришича, ЙТҲда 12 та автомобиль рўйхатга олинган.
"Агар машина эгалари ўзлари келишиб кетишган бўлса, ЙТҲдаги машиналар сони ундан ҳам кўпроқ бўлиши мумкин дейди", - шаҳар ИИББ матбуот хизмати ходими.
Ҳодиса натижасида тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
