Фарғонада пора олганлиги айтилаётган ЙПХ ходимининг қочаётганлиги кузатув камераларига тушиб қолгани акс этган видео ижтимоий тармоқларга сиздирилди. Ушбу ҳолат юзасидан Фарғона вилояти ИИБ Ахборот хизмати расмий муносабат билдирди.
Аниқланишича, жорий йилнинг 11 июнь куни Қува туман ИИБга ЙПХ инспектори И.К.нинг хатти-ҳаракатлари юзасидан фуқаролар С.З ва М.Ҳ томонидан ариза келиб тушган. Мазкур мурожаатда келтирилган ҳолатларни ўрганиш жараёнида ЙПХ инспектори И.К ўзини носамимий тутиб кетиб юборган, дейилади Фарғона вилояти ИИБ муносабатида.
Ҳолат юзасидан тегишли тартибда ҳужжатлар расмийлаштирилиб прокуратура органларига тақдим қилинган. Ҳозирда терговга қадар текширув ҳаракатлари олиб борилмоқда.
