Ўзбекистон футбол бўйича 23 ёшгача бўлган терма жамоалар ўртасида Осиё кубогига мезбонлик қилмоқда. Ўзбекистон U-23 терма жамоаси "А" гуруҳида Эрон, Қатар ва Туркманистон U-23 терма жамоалари билан бир гуруҳдан жой олган.
Тимур Кападзе бошчилигидаги Ўзбекистон терма жамоаси бугун гуруҳдаги иккинчи учрашувини ўтказади. Унда мусобақа мезбони Қатар U-23 терма жамоасига қарши баҳс олиб боради. Ушбу ўйин Тошкентдаги "Пахтакор" стадионида соат 20:00 да бошланади.
Эслатиб ўтамиз, Ўзбекистон U-23 терма жамоаси гуруҳдаги дастлабки учрашувни Туркманистон терма жамоасига қарши ўтказиб, кичик 1:0 ҳисобида ғалаба қозонган эди. Айни дамда Кападзе шогирдлари мусобақада 3 очко жамғарган ҳолда гуруҳ жадвалида карвонбошилик қилмоқда.
