Давлат тест маркази бошқарма бошлиғи Фарҳод Мирзаевнинг айтишича, айни пайтда тестларни ўтказиш бўйича икки хил сценарий устида иш олиб борилмоқда.
Тест синовлари анъанавий шаклда катта сиғимли биноларда ўтказилиши ёки пандемия шароитида тест синовларини 2020 йилдаги каби очиқ майдонларда ўтказиш имконияти кўриб чиқилмоқда.
Бунинг учун тест синови ўтказиладиган жойлар танланиб, режа-чизмалари тайёрланган. 50 460 нафар абитуриент учун мўлжалланган 103 та катта сиғимли ёпиқ бино, 60 570 нафар абитуриентга мўлжалланган 66 та стадион ва хиёбон тайёрланяпти.
