20 мартга ўтар кечаси Урганч шаҳридаги “Саҳара” кафесида бир гуруҳ хотин-қизларнинг ярим яланғоч кийинган ҳолда сумалак пишириши жамоатчиликнинг кескин норозилигига сабаб бўлганди.
Бугун, 23 март куни мазкур аёлларга нисбатан ҳолат Жиноят ишлари бўйича Урганч шаҳар судида кўриб чиқилди.
Уларнинг 3 нафари Маъмурий жавобгарлик тўғрисидаги кодекснинг 183-моддаси бўйича айбдор деб топилиб, 15 сутка маъмурий қамоқ жазоси тайинланди.
Шунингдек, қамоқда сақлаш билан боғлиқ харажатлар учун суткасига БҲМнинг 15% миқдорида жами 551 200 сўм ундирилиши белгиланди.
“Сумалак базми”нинг қолган уч нафари Маъмурий жавобгарлик тўғрисидаги кодекснинг 183-моддаси бўйича айбдор деб топилиб, оилавий аҳволи, фарзандлари борлиги инобатга олиниб, БҲМнинг 5 баравари (1 млн 225 минг сўм) миқдорида жаримага тортилди.
