Халқ таълими Матбуот хизматининг хабарига кўра, Навоий вилояти Навбаҳор туманида ўзининг фидойилиги, меҳнатсеварлиги билан ўқувчиларга таълим ва тарбия бериб келаётган икки нафар ўқитувчига президент совғаси сифатида Cobalt автомобили совға қилинди.
Автомобиль совғаси топширилган 1-мактабнинг физика фани ўқитувчиси Соҳиба Наврўзова ҳамда 20-мактабнинг география фани ўқитувчиси Обиджон Сайдахметов ўз фаолиятлари давомида юзлаб битирувчиларни олий таълим муассасаларига ўқишга киришига ҳисса қўшган.
Хусусан, Навбаҳор туманида ўтган 2021 йил битирувчиларининг 76,6 фоизи ОТМга ўқишга кирди.
