Тошкент шаҳрининг Миробод туманида 26 апрель куни соат 01.45ларда, Самина Дусчанова ўзининг “Captiva” автомашинасини катта тезликда бошқариб, “Шаҳрисабз-Катта Миробод” кўчалари чорраҳасидаги айлана йўлни кесиб ўтиб, шу айлана йўлга кириб келаётган, “Mercedes-Benz” русумли автомашинасини уриб ўтиб, ҳаракатини давом эттиради.
Бунинг натижасида, йўл четида турган, Х.Халиков бошқарувидаги “Lasetti”, Ш.Болтаевнинг “ВАЗ-21063”, А.Мажидовнинг “Nexia” автомашинаси ҳамда У.Абдуллаевнинг “Matiz” автомашиналарини орқа томонига урилиб, тўқнашув содир этган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада “Captiva” автомашинаси ҳайдовчиси С.Дусчанова ва “Lasetti” автомашинаси ҳайдовчиси Х.Халиковлар турли даражадаги тан жароҳатлари олиб, уларга касалхонада тиббий ёрдам кўрсатилган.
