АҚШнинг Ўзбекистондаги элчихонаси ҳуқуқ ҳимоячиси Ғанихон Маматхоновнинг озод этилишига алоқадор расмий баёнатни эълон қилди.
Элчихона хабарида қайд этилишича, бу воқеа яқиндагина бир неча виждон тутқунлари озодликка чиқарилишидан кейинги яна бир янгилик бўлиб, у Ўзбекистон ҳукумати халқаро инсон ҳуқуқларини ҳимоя қилиш андозаларига содиқлигини намойиш этувчи қўшимча ижобий қадам бўлди.
Ғанихон Маматхонов 2006 йил қамоққа олинишидан олдин Фарғона водийсида фермерлар ҳуқуқларини ҳимоя қилиб, болалар меҳнатидан фойдаланишга қарши курашиб келган.
"Америка Қўшма Штатлари Президент Мирзиёев олиб бораётган сиёсий, иқтисодий, ижтимоий ва инсон ҳуқуқлари борасидаги ислоҳотларга бўлган садоқатни қўллаб-қувватловчи келгуси қадамларни кутиб қолади" - дея таъкидланади баёнатда.
