Ушбу чора-тадбирлар Ўзбекистон Республикаси Президентининг 2017 йил 2 сентябрдаги 5177-сонли «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги Фармонига асосан бажарилмоқда.
UzNews.uz муҳбирига Миллий авиакомпаниядаги тегишли манбаанинг хабар беришича, 2017 йилнинг 5 сентябридан эътиборан "Ўзбекистон ҳаво йўллари" МАК авиачипталари нархлари миллий валюта – сўмда белгиланади.
Авиачипталар нархларини ҳозирги миқдорда сақлаб қолиш учун, авиачипталарни банд қилиш ва сотиш тизимида евронинг ўзбек сўмига нисбатан қийматини "музлатиш" қарори қабул қилинди. Яъни, 1 евро 4966,88 сўмни ташкил қилади.
Қайд этиш жоиз, айни вақтда кўплаб авиакассалар хорижий авиаташувчиларнинг авиачипталарини сотишни вақтинча тўхтатган.
