2017 йилнинг 14 август санасида 38 ёшли эркак «Туробобод» маҳалласи, Туркистон кўчаси, 15-уйда истиқомат қилувчи 79 ёшли Маруф Комилов уйига ташриф буюрган. Хонадон эгаси М.Мусаевга уйида қолишига рухсат берган. Жиноятчи кечаси хонадон эгаси Маруф Комиловни, унинг 66 ёшли ногирон қизини (Ш.Комилова) ҳамда 50 ёшли қизини (Ш.Абдиева) қасддан ўлдирган. Бундан кейин эса жиноятчи уйдан топилган тиллаларни олиб яширинган.
Жиноят мазкур маҳаллада ўрнатилган кузатув камераси орқали ёзиб олинган видеотасвир ёрдамида фош этилган.
Суд томонидан М.Мусаевга нисбатан қамоққа олиш тарзидаги эҳтиёт чораси қўлланилди.
Ҳозирги вақтда жиноят иши бўйича дастлабки тергов ҳаракатлари вилоят прокуратурасининг ўта оғир жиноятларни тергов қилиш бўлими томонидан олиб борилмоқда.
